ANALISIA

Sustraiak eta isiltasunak

Oihana Teyseyre Koskarat -

2019ko azaroak 6

Emakume bat hil du bikotekideak Baionan. Feminizidio bat gehiago, eta emakume bat gutxiago. Urte hasieratik, lau emakume hil ditu bortizkeria matxistak Euskal Herrian. 2003. urtetik, Lapurdin, 22 gizonek 22 emakume erail dituzte. Patriarkatuaren sustraietatik hezitako gizonek. Eta ez dira munstroak, ez: senarrak dira, bikotekideak, aitak, semeak, anaiak. Patriarkatuaren tututik hazi, hezi eta elikatu direnak.

Badira patriarkatuaren erroak sendoki atxikitzen dituztenak. Ez zikintzearren isilik egoten direnak, konplizeak; instituzioak, estatuak, justizia... Hilketa matxisten inguruan, prozedurak aitzakia gisa hartuta, isiltasuna da nagusi. Pentsa, larunbatean gertatu eta asteartean izan da Baionako hilketaren berri. Oraindik, izen-abizenik ez du biktimak; bizitokirik ere ez. Anonimotasunaren zulo beltzean erori balitz bezala. Hiltzaileari buruz ere, informazio gutxi. Beste hilketa batzuetan, minutu gutxiren buruan azaltzen dira informazioaren esferan aferaren nondik norakoak. Feminizidioen kasuan, isiltasuna: gizartearen sintomak kukutzeko bezala. Eta gordetzen laguntzeko, hitzak: «familia drama», «maitasun krimena» eta parekoak.

Indarkeria matxistagatik Poliziaren ezaguna zen larunbatean emaztea hiltzeagatik atxilotutako gizona. Galdera bat dakar horrek: eragotz ote zitekeen, eragozteko zer egin ote duten. Zer neurri hartzen ari diren indarkeria matxistaren ertz guztiak sustraitik ateratzeko: bortxaketak eragozteko, eta kolpeak, eta erasoak, eta hitz gogorrak, eta jazarpenak. Matxismoak hil egiten baitu. Eta jada hasi da atzerako kontua, hurrengoa non izango den: 102 emakume izan dira 2003tik.

Eskularruak jantzi, eta sustraiak errotik ateratzeko garaia da. Eta isiltasunak haustekoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Probak egiteko Ordizian jarritako postuak. ©Jon Urbe / FOKU

«Osasun publikoaren kontrako delitu bat» izango da gaixorik bozkatzea

Iosu Alberdi

Ordiziako koronabirus agerraldiarekin lotutako lau kasu berri atzeman dituzte. Denera, 31 dira Araba, Bizkai eta Gipuzkoan baieztatutako positibo berriak, eta herritar bat hil da koronabirusaren eraginez. 160 herritar inguruk izango dute debekatua bihar bozkatzea. Nafarroari dagokionez,Tuteran hiru kasu gehiago atzeman dituzte eta Iruñean zortzi positibo agertu dira.

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna