Albistea entzun

Merkataritza denden %2 itxi dituzte, horietako gehienak herri txikietan

Salmentek %1,7 egin dute gora Araban, Bizkaian eta Gipuzkoan. Euskomerrek dio hamar urtean 5.000 dendari autonomo galdu direla
Euskomerreko ordezkariak, atzo, Bilboko aurkezpenean.
Euskomerreko ordezkariak, atzo, Bilboko aurkezpenean. JUNE PRIETO / FOKU Tamaina handiagoan ikusi

Lander Muñagorri Garmendia -

2018ko uztailak 17

Merkataritzaren bilakaera positiboa izaten ari da, Euskomerren arabera. Baina bilakaera positibo hori «apala» izaten ari da Arabako, Bizkaiko eta Gipuzkoako merkatariak batzen dituen konfederazioaren esanetan. Iazko datuen berri eman zuen, atzo, Jon Aspuru presidenteak, eta, haren arabera, salmentek %1,7 egin zuten gora hiru lurraldeetako dendetan. Igoera hori, ordea, apalagoa izan da txikizkako dendetan, %0,8ko hazkundea izan baitzuten. Datu horietan oinarrituta esan zuen Aspuruak hazkundea apala izaten ari dela.

Salmenten igoera horrek eragina izan zuen enpleguan, eta txikizkako merkatarien artean lanpostuek %1,28ko gorakada izan zuten. Baina argiak ere baditu bere itzalak, eta salmenta eta lanpostu berrien sorrera hazkundearen atzean denden itxiera ere nabarmendu zuen Euskomerrek. Joan den urtean Arabako, Bizkaiko eta Gipuzkoako denden kopuruak %1,93 egin zuen behera. Jaitsiera hori, gainera, herri txikietako merkataritzak izan duen beherakadak bultzatuta gertatu dela azaldu zuen Aspuruak.

Elkarren artean kontraesanezkoak diruditen datuak eman zituen, beraz, Euskomerrek: enpleguak gora egin zuen urte berean denda gutxiago baitzeuden. Aspuruak, ordea, errealitate horrek ezkutatzen duena azaldu zuen: «Merkataritza sektoreko enpleguaren datuetan ez da kontuan hartu enplegua galdu duten langile autonomoen kopurua, eta erkidegoko denden erdietako langileak gisa horretakoak dira». Hain zuzen ere, horregatik azpimarratu du Aspuruak herri txikietan itxi direla denda gehiago, inguru horietako denden jabeak, oro har, autonomoak direlako.

Edonola ere, denda mota bat kolpeak jasotzen ari zen bitartean, merkataritza gune handien salmentek %2,5 egin zuten gora. Horrekin batera, elikagaien salmentak %4,6 egin zuen gora iaz, eta gainerako salgaiak %1,3 hazi ziren.

Ekintzailetza, behera

Denda txikien artean enplegua galtzen ari dela nabarmendu ostean, ekintzailetzak behea jo duela ere nabarmendu zuen Aspuruak. Areago, uste du krisiak ekintzailetzan oinarritutako merkataritza eredu bati eragin diola. Joera hori argi eta garbi erakusten du datu bakar batek: azken hamar urteetan 5.000 merkatari autonomo galdu dituzte Arabak, Bizkaiak eta Gipuzkoak. Horregatik, Edurne Parro konfederazioko idazkari nagusiaren hitzetan, «euskal merkataritzaren lehiakortasuna hobetzeko sektore mailako estrategiak garatu behar dira».

Horretarako, Parroren ustez, erosleek garbi eduki behar dute dendak ez direla «erosteko leku soilak». Gizarteari balio positiboak eskaintzen dizkiotenez, erakundeei eskatu zien ekintzailetza bultzatzeko garaian «lehenik eta behin merkataritzaren balioa indartzeko». Kexu agertu zen Parro, azken urteetan merkataritzara bideratutako politika publikoen «indar guztia» hirigintzara bideratu dutelako, merkataritza jardueraren azpisektorea hobetzeko «ezer egin gabe». Hori dela eta, iazko merkataritzako datuak hobetze bidean zer egin handia dagoela uste du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Euskaltelen denda batean eginiko protesta bat ©Monika del Valle (Foku)

Banku publiko bat sortzea baztertu du Eusko Legebiltzarrak

Jokin Sagarzazu

Elkarrekin Podemos-IUk eta EH Bilduk egin dute eskaera, lurraldeko enpresak laguntzeko, baina gainerako taldeek aurka bozkatu dute, Jaurlaritzak horretarako tresnak badituela argudiatuta.

Bi behargin, siderurgia sektoreko lantegi batean ©Berria

Industriak motel hasi du urtea, baina hazkunde sintomak erakusten ditu

Jokin Sagarzazu

Otsailetik martxora arteko aldakuntza positiboa izan da industria sektore handi guztietan, kontsumo arruntaren hazkundearen ondorioz.

Josu Sanchez, Iñigo Urkullu eta Zenon Vazquez, atzo, Donostiako Kursaalean. ©GORKA RUBIO / FOKU

Enpresa zonbiak orokortzeko arriskurik ez dago oraingoz, Elkargiren ustez

Xabier Martin

Elkarrekiko berme sozietateak ia 950 milioi euroko finantzaketa eman zien enpresei iaz. 9.000 enpresari eta 150.000 enpleguri eusteko laguntza da, «inoizko handiena»

Margrethe Vestager Europako Batzordeko Lehia komisarioa, atzo Bruselan eginiko agerraldian. ©YVES HERMAN / EFE

Europatik kanpoko enpresen esku hartzea mugatuko du Bruselak

Jokin Sagarzazu

Laguntza publikoak jasotzen dituzten konpainiek eginiko inbertsioak debekatu ahal izango ditu, lehia desitxuratzen dutela uste badu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna