Albistea entzun

Antton Valverde Hondarribiko Itsas Etxean ariko da gaur

'Gaua. Ausentziaren itzala' bakarkako azken lana aurkeztuko du. Harkaitz Cano idazlea eta Joxan Goikoetxea musikaria izango ditu lagun

Ane Delgado Aldabaldetreku -

2021eko abuztuak 26

Hamarkada bat baino gehiago bakarkako lanik kaleratu gabe egon ondoren, iaz atera zuen Antton Valverdek (Donostia, 1943) bere azken lana. Diskoaren grabazioan Francisco Herrero biolinistak eta Ivan Carmona biolontxelo joleak ere parte hartu zuten. Gaur kontzertua emango dute Hondarribiko (Gipuzkoa) Itsas Etxeko auditoriumean, Musika Hamabostaldiko ziklo ibiltariaren barruan, 19:30ean. Haiekin batera, Joxan Goikoetxea soinu jolea eta Harkaitz Cano idazlea izango dira. Kontzerturako sarrerek hamar euro balio dute, eta Musika Hamabostaldiko webgunean daude salgai.

Diskoa hamahiru abestik osatzen dute - 11 abesti badira ere, horietako baten beste bi bertsio jasotzen ditu diskoak-. Lehenengo hiru abestiak konfinamendu garaietan landutakoak dira; besteak, berriz, lehenagotik eginak zituen. Grabazioa 2020ko uztailean egin zuten, Elkar estudioan.

Estiloari dagokionez, klasikotasunera jo badu ere, diskoak alde berritzaileak ere baditu. Horietako bat da kantu baten hiru bertsio egin izana; euskarazko Sei silabako gauak abestia gaztelaniaz eta ingelesez interpretatu du. Lehen hiru abestiak Harkaitz Cano eta Arkaitz Mendozaren Malgu da gaua disko-liburuak (Etxepare institutua, 2014) inspiratu ditu. Gainontzeko abestietan, bere lanetan ohikoak diren abesti tradizionalak eta Xabier Leteren, Lauaxetaren eta Bitoriano Gandiagaren poemak ez ezik, Harkaitz Cano, Salbatore Mitxelena, Imanol Irigoien eta Juan Kruz Igerabideren testuak ere egokitu ditu Valverdek.

Gaiari dagokionez, denbora eta heriotza gainditzen dituzten poemak oso presente daude abesti gehienetan.

Mende erdiko ibilbidea

Valverdek musika klasikoko ikasketak egin zituen gaztetan, eta, 60ko hamarkadan, abeslari eta konpositore ibilbidea hasi zuen. Hastapenetan hainbat disko labur argitaratu zituen, eta Oskarbi taldeko partaideetako bat ere izan zen; Eskutari diskoan parte hartu zuen. Geroztik, hainbat disko grabatu ditu gitarraz eta pianoaz lagunduta. Haren bakarkako lehen disko luzea Antton Valverde (Herri Gogoa, 1975) izan zen. Hartan daude Maitasunez hil eta Asaba zarren baratza kantuak, besteak beste. Hurrena, bere poeta «kutunetako» bati eskainitako diskoa eman zuen argitara: Lauaxeta (Herri Gogoa, 1978).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.