Keshia Fredua-Mensah. Politologoa

«Feminismoa eta arrazakeriaren aurkako borroka ezin dira bereizi»

Danel Agirre -

2016ko urtarrilak 15

2013an oihartzun zabala izan zuen #SchauHin (begiratu, alemanez) arrazakeriaren kontrako kanpainaren sustatzaileetako bat izan zen Keshia Fredua-Mensah politologoa (Berlin, 1989). Orain, are ekintzaile gehiago bildu dira #ausnahmslos (salbuespen gabe) egitasmo berrian. Koloniako gertakariak baliatu nahi dituzte, emakumeek eta etorkinek jasandako gehiegikeriei erantzun bakarra emateko.

Amaitzear al da Alemanian Ongi-etorriaren kultura esan izan zaion errefuxiatuekiko adeitasuna?

Ez du zertan. Alemaniarra gizarte heldua da, eta aukera ona du modu bateratuan erantzuteko, benetan garrantzitsua dena ongi bereizita. Koloniakoa oso tragikoa izan zen. Oraindik ez dakigu gehiegi egileei buruz, baina direnak direla ez genuke erabili behar informazio hori inola ere komunitate osoen aurka egiteko.

Eskuin muturrekoek emakume alemaniarrak atzerritzarrengandik defendatuko dituztela diote.

Alemaniarra naiz. Ez naiz zuria. Ni defendatzeko gizonezko beltz batzuk topatu beharko nituzke, gizarteak horrela funtzionatuko balu. Baina guk ez dugu inork zaintzerik nahi, ezta poliziak ere, gizarte heldu batek bermatu behar du guztion segurtasuna.

Aste honetan entzuna: «Ez naiz arrazista, baina Islama misoginoa da».

Islamari buruz oso aditu gutxi daude Alemanian, eta haren aurka makina bat iritzi sendo. Hainbat kultura eta erlijio sexista daude, kristaua barne. Politikaren bitartez lortu dituzte aurrerapausoak berdintasunerantz bide gehien egin duten gizarteek, eta, horietan, bere eskubide guztien jabe egindako emakume musulman asko bizi dira.

Badira oihartzuna lortu duten feminista alemaniarrak ere, «arazoa Islama bera da» diotenak.

Alemanian musulmanik ez bagenu, etorkinik batere ez balego, artean ere sexismo arazo larri bat izango genuke. Komunitate bati sexismoaren erru guztia botatzeak erantzukizunik ez hartzeko nahia ezkutatzen du. Ez dut uste emakumeen defentsan benetan ari den inork estigmatizatuko lukeenik komunitate bat. Feminismoa eta arrazakeriaren aurkako borroka ezin dira bereizi. Feminismoak jazarria den ororekiko interesa exijitzen du.

Alemaniara iristen diren errefuxiatuek ba al dakite genero berdintasuna zer den eta gizarte honek zer espero duen haietaz?

Inola ere ez, baina ulertzekoa da. Testuinguru oso traumatiko batetik ihes egiten dute, eta jomuga duten herrialdeaz ia ezer ez dakite, ideia orokor idealizatu bat besterik ez. Genero arazoak baino lehen, beste mila buruko min izaten dituzte ailegatzerakoan. Gizarte osoari dagokigu haiek sorostea, eta, pixkanaka, hemen geratuko badira, eskubideak eta errespetatu beharrekoak zeintzuk diren erakustea. Onena lan horretan gizarte osoak ahots bateratuarekin bat egitea litzateke.

Koloniakoak gertatu, eta immigrazioa izan da mintzagai bakarra. Baina ez da aipatu, adibidez, sexu eraso horietako asko ez direla kartzelarekin zigortzen, Alemaniako legediaren arabera...

Horrexegatik bildu gara preseski hainbat ekintzaile, eztabaidaren erabilera gaiztoa sumatzen genuelako. Emakumeek indarkeria dela-eta Alemanian oraindik ere duten babesgabetasunaz ez da inon hitz egin. Komunikabide gehienen kezka bakarra izan da gaizkileen artean errefuxiaturik ba ote zegoen. Eta behin arreta hor ipinita, eskuin muturrekoari eta populistei plataforma ezin egokiagoa eskaini zaie gorrotoz betetako mezuak zabaltzeko. Horrek ez du esan nahi feministok Koloniakoa erlatibizatu nahi dugunik, kontrakoa baizik. Sekula ez dut entzun orain arte eskuin muturreko inor sexu erasoengatik kezkatuta. Guretzat eguneroko gaia da, baina modu serioan tratatzea eskatzen dugu.

Zer-nolako erantzuna izan du #ausnahmlos kanpainak?

Pare bat egunetan milaka sinadura bildu ditugu webgunean, bai eta eskerrak emanez mezu andana jaso ere. Baikorrak gara, gizartearen zati handi baten sentsibilitatea ordezkatzen ari garela iruditzen baitzaigu.

Zuen kanpainek baino hedapen zabalagoa dute politikari populisten mezuek. Donald Trumpek Koloniari buruz iritzia eman, eta bi ordu barru planeta osoak izan zuen hark esandakoen berri. Nazioartean beste mezu batzuk barreiatuko dituzten lider sendoen falta igartzen al duzu?

Bai, batez ere Europako egoera etsigarria da. Halere, populistak beste alderdi guztiak kutsatzen ari dira, eta horrek kezkatzen nau gehien. Eztabaida publikorako bitarteko sinplista berberak erabiltzen dira azkenaldian, bai Alemanian, bai Frantzian eta bai Espainian ere. Sinplismoari sinplismo gehiagorekin erantzutea dinamika arriskutsua da;gehien Kolonian ikusi dugu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Agerraldien ondorioz, jolas parkeak itxita daude berriro Ordizian. ©Juan Carlos Ruiz / Foku

Osasun Sailak «neurriak aurreikusi» dituela «egiaztatu» du Hauteskunde Batzordeak

Berria

Ordiziako agerraldiaren harira, osasun eta boto eskubideak bermatze aldera EH Bilduk eginiko eskaera aztertu du batzordeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna