Sasoiko lehen garaipena lortu du Osasunak Almeriaren kontra (3-1)

Ainara Arratibel Gascon -

2018ko irailak 9
Laugarren jardunaldira arte itxaron behar izan duen arren, Osasunak denboraldiko lehen hiru puntuak eskuratu zituen atzo, Sadarren Almeriari 3-1 irabazita. Hala, zama hori kendu, eta garaipen batek ematen duen hauspoarekin lan egin ahal izango du datorren astean. Ruben Garcia izan zen partidako protagonista, gol bat sartu eta beste bietan parte hartu baitzuen.

Osasunak ondo hasi zuen partida. 15. minutuan, Juan Villarrek buruz sartu zuen gola Jagoba Arrasateren taldearentzat, Ruben Garciaren erdiraketa bat baliatuta. Baina zaleak oraindik ere gola ospatzen ari zirela, Alvaro Gimenezek berdindu egin zuen, hark ere buruz (16. min). Irekia eta lehiatua izan zen lehen zatia.

Bigarrenean, ordea, Osasuna nagusituz joan zen, eta lau minutuan bideratu zuen partida. Ruben Garciak penaltiz (65. min) eta Kike Barjak buruz (69. min) sartutako golei esker, 3-1 aurreratu zen. Azken 20 minutuak estutasunik gabe jokatu zituen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Ainara Arratibel Gascon

Informazio osagarria

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna