Albistea entzun

KRITIKA. Interprete gazteen zikloa

Latzak ez diren hatzak

Ander Marzana, Arkaitz Mendoza -

2018ko abuztuak 25

Lekua: Donostiako Miramar jauregia. Eguna: Abuztuak 23.

Gaur egungo gizarteak jipoitzen duen erritmo basati eta ero honetan, ikusgarritasunak urrezko domina du preziatuen altxorretan. Geroz eta azkarrago jasotzen ditugu kaleko lilurak: bideo sinesgaitzak, irudi haluzinagarriak eta erronka olinpikoek gu guztion txalo sorta daramate eskuetan. Musikan beste horrenbeste; hara hemen aztertuko dugun Ander Marzana piano jotzaile gaztearen erakustaldia. Ludwig van Beethovenen Waldstein sonatan azaldutako hatzak ez dira latzak ez, suziri abiaduran egiten dute bide teklatuan barrena eta artikulazio harrigarrian dantzatu zituen zailtasun handiko oztopo guztiak. Euskadiko Musikari Gazteen Lehiaketan konposizio eta pianoan garaile irten da bilbotarra eta ziurtasun handiko Beethoven bat aurkeztu zuen. Dena argi zuen Marzanak, zalantza izpirik gabe helarazten du musika, nahiz eta pasarte mantsoetako melodien nondik norako garapenean ulergarritasuna motz sentitu. Hor du esploratu gabeko bide luzea Marzanak: musika esaldi bakoitzaren soinuan kolore interesgarriak azaleratzeko jarrera zorrotza. Horren adibide Frederic Chopinen Opus 48 Nokturnoa, estilo basatiegian, Sergei Ratxmaninov errusiarra zirudien, dotorezia eta liluraz beteriko apaindurak gozatu gabe.

Marzanaren ikusgarritasuna hatz elektrikoetan garatu arren, Maurice Ravelen Bals noble eta sentikor-etan lehen aipaturiko soinu ezberdinak sendoki nabarmendu zituen, emanaldiko unerik distiratsuena bilakatu arte. Heldutasun aipagarrian lotu zituen dantza guztiak, bakoitzetik etekin zoragarria atereaz. Eroso sentitu genuen Marzana, pedalaren erabileran garbi eta txikiegia zen kola erdiko piano horretatik egundoko zirta kanporatuz. Amaitzeko, latz ez diren hatzak erritmo basatian martxan jarri zituen Xavier Montsalvatgen Sonatina-n. Obra horren Allegretto-ko azken bi minutuak erakustaldi ikusgarrian loreztatu ziren, Ander Marzana piano jotzailearen etorkizuna harribitxiz josita dagoela frogatuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia madarikatua' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»

Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Rotterdamen eta gurean ez da faszinagarriagorik
Zugaza, Herraez, Gonzalez, Zupiria eta Ormazabal, gaur, Gasteizen. ©IREKIA

Euskal artisten 26 artelan erosi dituzte museoek, Jaurlaritzak diruz lagunduta

Aitor Biain

Artium museoak, Biboko Arte Ederren Museoak eta Tabakalerak elkarrekin erosi dituzte 18 euskal artistaren obrak, 200.000 euroko ezohiko diru laguntza bati esker.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...