Ostatuen neurriak erkidegoen esku utziko ditu Madrilek

Espainiako Osasun Sistemako Lurralde Arteko Kontseiluak bilera egin zuen atzo, eta bertan adostu zuten Madrilek autonomia erkidegoen esku uztea ostatuetan eta gau klubetan ezarri beharreko neurriei buruzko erabakimena. Atzo zortzi, kontseiluak onartu zuen erkidego guztietan bete beharreko irizpide batzuk ezartzea, baina, atzokoan, hitzartu zuten irizpide horiek aholkuak baino ez izatea. Aurreko astean, Jaurlaritza haserre agertu zen Espainiako Gobernuaren jokabidearekin, eta ohartarazi zuen Bizi Berri Plana beteko zuela arlo horretan. Atzo, Jaurlaritzak ez zuen parte hartu eztabaidan eta bozketan.