Juntos Haremos Historia

Hirugarrenez da presidentegai. 2006an eta 2012an bigarren gelditu zen, PRD Iraultza Demokratikoaren Alderdiko buru zela. Morena Nazioa Onbideratzeko Mugimendua sortu zuen ondoren, eta ezkerreko politiketan sakontzeko ahaleginean dabil orduz geroztik. Hizkuntza bateratzailea darabil, politika sozialak jarri ditu erdigunean, baina haren arerioek leporatu diote Mexiko Venezuelaren bidetik eraman nahi izatea. PRDrekin Mexiko Hiriko alkatea izan zen (2000-2005), eta aurrez, 1989 bitartean, PRI Alderdi Iraultzaile Instituzionala hegemonikoan jardun zuen.