Madrilek proposamen bat egingo dio asteon Jaurlaritzari eskumenei buruz

Erredakzioa -

2018ko irailak 5
Espainiako Lurralde Politikako ministro Meritxell Batetek aste honetan helaraziko dio Eusko Jaurlaritzari estatutuan eskualdatzeke dauden eskumenei buruzko proposamen bat. Josu Erkoreka Eusko Jaurlaritzako bozeramaileak atzoko Gobernu Kontseiluaren osteko agerraldian azaldu zuenez, Batetekin hizketan aritu zen astelehenean, gogorarazteko Espainiako Gobernuak konpromisoa hartu zuela eskumenen eskualdaketan pausoak emateko. Izan ere, 1979ko estatutuaren arabera, Jaurlaritzari dagozkion 37 eskumen Madrilen esku daude oraindik. Erkorekak espero du asteon jartzea bi gobernuak batzartzeko hitzordua.

Jaurlaritzako eledunak hizpide izan du Arabako, Bizkaiko eta Gipuzkoako estatus politiko eta juridikoari buruzko eztabaida ere. Zehazki, ziurtatu du eztabaida horrek ez duela eraginik EAJk eta PSE-EEk Eusko Jaurlaritzan osatzen duten koalizioaren egonkortasunean; izan ere, gogorarazi duenez, koalizio gobernua osatzea adostu zutenean, bi taldeek hitzartu zuten bereizi egingo zituztela gobernuaren kudeaketa eta alderdi bakoitzak autogobernuaren alorrean duen jarrera : «Hori asumituta dago Eusko Jaurlaritzan».

PP, Urkulluren aurka

Autogobernuari buruzko etabaidan, Amaia Fernandez EAEko PPko idazkari nagusia Iñigo Urkullu Jaurlaritzako lehendakariaren aurka mintzatu da. Onda Vasca irratiko elkarrizketa batean, azpimarratu du euskal herritarrak nekatuta daudela «abentura subiranistez», eta «Gernikako estatutua apurtu» izana egotzi dio Urkulluri: «Adostasuna zabaltzeaz mintzo dira orain, baina haien ekintzek zera diote, EH Bildurekin Eusko Legebiltzarrean onarturiko testuaren bidez: orain arte euskal herritarrok lortu dugun adostasun zabalena hautsi dute». Fernandezen iritziz, EAJk eta EH Bilduk estatutu berriaz adosturiko oinarriek «autodeterminazioa» jasotzen dute, eta bide hori «aldebakarrekoa» da «beti».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna