Albistea entzun

Kataluniako prozesu subiranista. Epaiketa

Eskubide urraketak salatzeko, grebara deitu dute Katalunian gaurko

Intersindical CSCren deialdia babestu dute alderdi independentistek eta hainbat elkartek. Manifestazio nagusiak 18:00etan egingo dituzte
2017ko azaroaren 8ko grebako protesta bat, Bartzelonan. Urte horretako urriaren 3an egin zuten beste bat.
2017ko azaroaren 8ko grebako protesta bat, Bartzelonan. Urte horretako urriaren 3an egin zuten beste bat. TONI ALBIR / EFE Tamaina handiagoan ikusi

Ander Perez Zala -

2019ko otsailak 21

U-1aren epaiketa salatzeko hirugarren mobilizazio erraldoia egingo dute gaur Katalunian. Intersindical CSC sindikatu independentistak deituta, greba orokorra egingo dute egun osoan , eta 2017ko urriaren 3an egindakoaren arrakasta lortzea jarri dute helburutzat —independentzia erreferenduma egin eta bi egunera izan zen—. Ofizialki, sindikatuak adierazi du PPren lan erreformaren aurka eta Espainiako Auzitegi Konstituzionalak bertan behera utzi zituen Kataluniako legeen alde aterako direla kalera, deialdia legez kanpokotzat jo ez dezaten; baina denen ahotan dago gaurko greba orokorra U-1aren epaiketaren aurka protesta egiteko izango dela.

Protesta eguna masiboa izatea du helburu sindikatu independentistak. Carles Sastre CSCren idazkari nagusiak herenegun adierazi zuenez, «eskubideen eta askatasunaren arloan atzeratze prozesu bat jasaten» ari dira, eta, horregatik, kalera ateratzeko deia helarazi zien katalanei. Grebarekin bat egin duen hezkuntza arloko Ustec-STEC sindikatuaren eledun Ramon Fonteren arabera, gaur «inork ezin du huts egin».

Hainbat elkartek —Omnium Cultural, Biltzar Nazional Katalana (ANC)...—, hainbat sindikatuk eta alderdi independentistek bat egin dute Intersindical CSCren egitasmoarekin. Eguerdian kontzentrazioak egingo dituzte udaletxeen parean, eta, Bartzelonaren kasuan, Universitat plazan egingo dute ekitaldia. Arratsaldean, manifestazioak antolatu dituzte Tarragonan, Gironan, Lleidan eta Tortosan, 18:00etan hasita; ekitaldi nagusia Bartzelonakoa izango da.

Agenda, bertan behera

Grebaren ondorioz, Kataluniako Gobernuak bertan behera utzi du gaurko agenda publikoa, eta Chakir el-Homrani Lan kontseilariak grebaren azterketa egingo du. Miquel Buch Barne kontseilariak iragan asteartean prentsaurrekoan azaldu zuenez, Generalitateko kontseilariek ez dute gaurko mobilizazioetan parte hartzeko asmorik: «Epaiketaren aurka dela kontuan harturik, gobernuko kideak sentiberagoak dira. Horregatik erabaki dugu agenda bertan behera uztea».

Alfred Bosch Kanpo Ekintzarako kontseilaria arduratuko da «balizko larrialdiez» eta segurtasunarekin lotuta dauden zereginez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antony Blinken AEBetako Estatu idazkaria eta Benjamin Netanyahu Israelgo lehen ministroa, atzo, Tel Aviven. ©DEBBIE HILL / EFE

«Lasaitasuna berrezartzeko» eskatu die Blinkenek Israeli eta Palestinari

Mikel Elkoroberezibar Beloki

AEBetako Estatu idazkariak Tel Aviven adierazi du AEBek «Israelgo segurtasunarekin» daukaten konpromisoa «hautsezina» dela. Israelgo armadak gutxienez 35 palestinar hil ditu aurten

Zelenski eta Von der Leyen, iazko apirilean, Kieven ©EFE

Ukrainak bi urteko epean sartu nahi du EBn

Igor Susaeta

Erdoganek adierazi duenez, Suediarekin eta Finlandiarekin batera negoziatu beharrean, bakarka negoziatuko du bi herrialde horiek NATO Ipar Atlantikoko Itunaren Erakundeko kide bihurtzeari buruz.

Poliziaren indarkeriaren kontrako manifestazio bat, atzo, Atlantan, Georgia estatuko hiriburuan. ©ERIK S. LESSER / EFE

Poliziak Nicholsi eman zion jipoiak protestak piztu ditu AEBetan

Gorka Berasategi Otamendi

Ostiralean publiko egin zituzten bost poliziak gazte afro-amerikarrari eman zioten jipoiaren irudiak. Grabazioetan ikusten denez, bortizki jo zuten, baita aurre egiteko aukerarik ez zuenean ere

Joan den urtarrilaren 26an Boluarteren aurka Liman egindako manifestazio bat. ©EFE

Bozak aurten egiteko, Boluartek konstituzioa erreformatzea planteatuko du

Igor Susaeta

Kongresuak  ez badu onartzen hauteskundeak aurten egitea, presidentearen lege proiektuetako baten helburua da urriko bigarren iganderako antolatzea.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.