HILBERRIA. Joe Allen

Microsoften beste sortzailea

ANDREW GOMBERT / EFE

Iker Aranburu -

2018ko urriak 17
Microsoften izena Bill Gatesi lotuta agertuko da beti, baina hura ez zen izan etxeko ordenagailuen mundura iraultza ekarri zuen konpainiaren aita bakarra. Gatesen lehen uneko bazkide izan zen Joe Allen ere. Astelehenean hil zen, Seattlen (AEB), 65 urte zituela.

Hiri hartako eskola bateko konputagailu taldean elkartu ziren Gates eta Allen 1970eko hamarkadan, eta hor ohartu ziren etxeko ordenagailuen merkatu berriak kode propio bat beharko zuela. Software hori garatzeko sortu zuten Microsoft, 1975ean, eta erabateko arrakasta izan zuten. Urteekin, Gates oldarkorraren eta Allen lasaiagoaren arteko harremana garraztu egin zen, eta Allenek enpresa utzi zuen, 1983an. Baina akzioei eutsi zien, eta urte gutxiren buruan bazkide ohiak aberats egin zuen —aberatsenetan, munduko 21. a, Forbes-en arabera—. Portland Trail Blazzers saskibaloi taldea eta Seattle Seahawks futbol amerikarrekoa erosteko baliatu zuen dirua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna