Rock eztanda bat Kaliforniatik

Robert Jon & the Wreck Kaliforniako rock-and-roll boskote bat da, AEBen hegoaldeko askotariko eraginak nahastu dituena bere musika sortzeko, antzinako bluesetik hasi eta rock-and-rollaren zenbait aldaera jasotzeraino. Robert Jon abeslariaren ahots urratu bereizgarriak janzten du haien musika. Los Angelesen hegoaldeko Orange Countykoak dira, eta bateriaren eta riff-en garapena dago haien soinuaren oinarrian; gainean, era askotako melodia kaliforniarrak.

Taldeak aurretik ere jo izan du Euskal Herrian, eta Europa osoan biran dabiltza hilabeteotan. Iaz kaleratu zuen Shine a Light on Me Brother diskoa aurkezten ari dira: hamar kantaz osatutako blues, country eta rock bilduma bat.

Sarrerak hamabi euroan daude salgai aretoaren webgunean; egunean bertan, hamabostean jarriko dituzte txarteldegian.