Heavy metal doinu klasikoen itzulera

Heavy metalak 1980ko hamarkadan izan zuen loraldiaren eragileetako bat izan zen Accept talde alemaniarra. Udo Dirkschneider abeslariak eta Wolf Hoffmann gitarristak sortu zuten, 1976an, eta ibilbide oparoa egin zuen, batik bat hurrengo hamarkadan, eta dagoeneko klasiko bilakatu diren hainbat disko argitaratu zituen (Restless and Wild, 1982; Balls to The Wall, 1983; Metal Heart, 1985). Lan horietan, Acceptek heavy metal azkar eta indartsua landu zuen, eta, horregatik, speed metalaren eta power metalaren aitzindaritzat jotzen dute askok.

Orduz geroztik, taldeak gorabehera handiak izan ditu, etenak eta itzulerak, eta azkeneko urteetan, besteak beste, Mark Tomillo abeslaria dago taldean Hoffmannekin batera. Too Mean to Die (2021) dute azkeneko lana.

Aurretik The Iron Maidens ariko da, Iron Maidenen errepertorioa lantzen duen emakumezko boskotea.