Ramon Agirre eta Eider Eibarren margolanak, gaur

Astea ixten hasteko, Ramon Agirre aktorea eta Eider Eibar marrazkilaria hartuko ditu gaur, igandez, BERRIA Aretoak. Agirrek umorea ekarriko du, antzezpen labur baten bidez, eta bere irudizko mundura hurbiltzeko aukera berri batekin itzuliko da Eibar.

«Dinosauroek hobeki gobernatu zuten beren akabera». Amu horri tiraka, amaieraren eta salbazioaren arteko kontakizun bat eskainiko du bihar 4( h)ero 1 proiektuaren ikusizko piezak,zuzenean sortutako irudiekin eta off-eko ahotsean emandako istorioarekin. Arratsaldean, ostera, kanta bat izango da, Xabi Yanizen eskutik.

Asteon 100 saioren langa igaro du BERRIAren plaza digitalak, eta zerrenda luzatu egingo da hurrengo egunetan: Matxalen Bezos poesian, Keu Agirretxe eta Iñaki kantu banarekin, Gillermo Olmo eskulturan, Garazi Etxaburu dantzan, eta gehiago.