Gasteizko Jimmy Jazz aretoak «berriz martxan» jarri dela iragarri du, martxan komatxo artean, oraindik ezin izango baitute denbora batez kontzertuetarako aterik zabaldu. Zuzeneko emanaldietarako ezina ikusita, streaming bidezko eskaintzara batu da aretoa, eta jaialdi txiki bat antolatu dute, EHan sortua. Streaming Edition izepean.
Lau taldek hartuko dute parte bideo bidezko jaialdian: Arkada Social, Rotten XIII, Brigade Loco eta The Guilty Brigadek.
Jimmy Jazz aretoaren eta beste hainbaten sare sozialetatik emango dira kontzertuak, eta doakoa izango da sarbidea. Aitzitik, jaialdiaren asmoetako bat osasun larrialdiak sortutako galera ekonomikoei aurre egiten laguntzea da, eta, beraz, borondatezko ekarpenak egiteko bidea ireki dute antolatzaileek.
Lau taldeek eta teknikariek ez ezik, Hala Bedi irratiak eta aretoko langileek ere jasoko dute bildutako dirua.
Musika. EH-N SORTUA
Elkartasun jaialdia 'streaming' -ez
Non: Jimmy Jazzen, Hala Bediren eta beste hainbaten sare sozialetan. Noiz: ekainaren 6an, 17:00etatik aurrera.
Iruzkinak
Ez dago iruzkinik
Ordenatu