Musika. GODSPEED YOU! BLACK EMPEROR
Post-rockaren garai loriatsuen aztarnak
Non: Miarritzeko Atabal aretoan Noiz: Larunbatean, 21:00etan.
Rock talde baten ohiko formatua eta formazioa gainditzen dituen kolektiboa da Godspeed You! Black Emperor. Hasteko, kolektibo aldakortzat baitauka bere burua —hamabost lagun izatera iritsi dira—, eta Montrealgo beste hainbat musika proposamenetan ere ari baitira kideak. Eta, horrekin batera, nagusiki musika instrumentala eginez, haren lanetan rockarenaz gain, elektronikaren, musika garaikidearen, jazzaren eta musika esperimentalaren eragina ere nabaritzen delako. Lift Your Skinny Fists Like Antennas to Heaven (2000) diskoarekin iritsi zen publiko zabal batengana—Mogway, Tortoise eta post-rockaren beste ordezkari nagusiek ere arreta piztu zutenean—, eta, orduz geroztik, koordenada bertsuetan mugitzen diren hainbat lan kaleratu ditu. Azkena, Luciferian Towers, 2017an.
Iruzkinak
Ez dago iruzkinik
Ordenatu