Azkeneko urteetan ohiko taldea bihurtu da The Godfathers Euskal Herriko aretoetan. Peter Coyne abeslariak gidatzen duen bandak zuzenean ematen baitu bere onena, baita sortu zenetik 30 urte pasatu direnean ere. Birth, School, Work, Death (1988) ikonikoaren egileek joan den urtean adierazi zuten utzi egingo ziotela jotzeari, baina Coynek (ahotsa) aurrera egitea erabaki du taldekide berriekin.
2017an A Big Bad Beautiful Noise diskoa argitaratu zuen The Godfathersek, eta iaz This is War, zuzenean jasotako grabazioa kaleratu zuen. Lan horretan taldearen klasikoak jaso dituzte—When Am I Coming Down, This is War, I Want Everything, Birth, School, Work, Death—, eta baita azken urteetakoak ere —Defibrillator—.
Rock-and-rolla du abiapuntu eta helmuga taldeak, pub-rocketik hasi eta punkera hurbilduz. Beti gerra emateko prest.
Musika. THE GODFATHERS
Gerra emateko prest
Non: Bergarako Seminarixoa Noiz: Larunbatean, 21:00etan.
Iruzkinak
Ez dago iruzkinik
Ordenatu