Soraluzeko (Gipuzkoa) Errabal zigiluak urteak daramatza musika beltza sustatzen Euskal Herrian, hala diskoak argitaratzen nola zuzeneko emanaldiak antolatzen. Hain zuzen ere, datorren astebururako hiru kontzertu antolatu ditu herrian bertan, hirurak musika beltzari lotuak.
Ostiralean Shirley Davis kantari londrestarra ariko da, soul musikan azken urteetan nabarmendu den divetako bat. The Silverbacks taldearekin grabatu dituen bi diskoetako aleak interpretatuko ditu Soraluzen.
Larunbatean, berriz, Euskal Herriko rhythm & blues talde beteranoetako baten txanda izango da, The Allnightersena; eta igandean, azkenik, Jon Gurrutxagak eta Urbil Artolak joko dute bermutaren orduan.
Musika. BLUES HOTSAK 2019
Musika beltza hiru egunez Soraluzen
Ostirala 13: Shirley Davis & The Silverbacks. Herriko Antzokian, 22:00etan. Larunbata 14: The Allnighters. Zentroan, 20:00etan. Igandea 15: Jon Gurrutxaga & Urbil Artola. Zubi Nagusian, 13:00etan.
Iruzkinak
Ez dago iruzkinik
Ordenatu