Emakumeak zuzeneko musikaren panoraman ikusgai egiten eragin gura duen kontzertu zikloa da Rabba Rabba Girl, eta hirugarrenez antolatu dute aurten Bilbon. Haren barruan, kontzertu bikoitza izango da gaur hirian.
Hasteko, Melenas. Iruñeko Nebula tabernaren bueltan jarri zuten abian taldea, eta garage pop-aren eszenan azkar piztu zuten zaleen interesa. Oihana (gitarra eta ahotsa), Leire (baxua), Maria (teklatua) eta Lauri (bateria) dira taldekideak, aurrez Rio Arga, Ginkas, Delmonos, Panty Partera eta Iruñe inguruko beste talde batzuetan arituak.
Eta, haien ondotik, Arima. Paule Bilbao gidari duen talde horrek melodia etereoak eta gitarra distortsionatuak uztartzen ditu, askotariko intentsitateen artean murgil eginaraziz entzuleari. Lau kantuz osatutako Metamorphosis lan laburrarekin egin dute debuta, zeina Karlos Osinaga Txap-ekin ondu duten, Tolosako Bonberenean (Gipuzkoa).
Musika. MELENAS ETA ARIMA
Adats eta ahots askeagoak
Noiz: Gaur, 12:30ean. Non: Bilboko BBK aretoan.
Iruzkinak
Ez dago iruzkinik
Ordenatu