Aitak 14 urte zituela oparitutako gitarra batek bultzatu zuen Sophie Zelmani (Stockholm, 1972) musika sortzera. Musika prestakuntza edo heziketarik ez zuen, baina kantuak egiten hasi, haietako batzuk grabatu, eta hiru diskoetxetara bidali ostean, Sony multinazionalak baiezkoa eman zion. Hala, 1995ean argitaratu zuen bere lehenengo diskoa izango zena (Sophie Zelmani), eta, bi urteren buruan, 200.000 ale salduak zituen. Suediako Grammy sarietan, berriz, abeslari berri onenarena eskuratu zuen, 1996an.
Harrezkeroztik, kantautoreak hamaika disko grabatu ditu (Horietako azkena, My Song, 2017an kaleratu zuen), malenkoniaz eta misterioz jositakoak. Intimistak eta pertsonalak.
Nolanahi ere, Zelmaniri ez zaio asko gustatzen zuzenean jotzea, eta, beraz, Bilbokoa hura kontzertuan ikusteko aukera bakanetakoa izango da.
Musika. SOPHIE ZELMANI
Misterioa eta malenkonia
Non: Bilboko BBK aretoan. Noiz: Gaur, 20:00etan.
Iruzkinak
Ez dago iruzkinik
Ordenatu