Informazioaren aroa bizitzen egon arren, desinformazioa nagusi dela dioten irudiak, politikarien esanak eta herritarren galderak; horien gaineko gogoeta bisual bat dakar Josu Izagirrek gaur BERRIA Aretora, minutu gutxiko pieza batean. Arratsaldez, berriz, Leire Berasaluze eta IƱaki Sastre izango dira kantuan.
Abeslari gehiago helduko dira errenkadan hurrengo saioetan: Julen Cobos eta Urko izango dira bihar, astelehena; eta Gontzal Mendibilek Esperantza bihotzarentzat ekarriko du astearte goizez. Musikatik antzerkira egingo du arratsaldeak, eta Txikik hartuko du lekua. Mikel Martinez aktorea itzuliko da biharamunean, eta haren ondotik, ipuin kontaketan ariko da Ixabel Agirresarobe.
Eta lekukoa bata besteari emanez, maiatzaren 7an, osteguna, 100. emanaldira helduko da BERRIA Aretoa, kultur aretoak itxi zirenetik sortzaileentzat zabalik den leihoa.
Musika. BERRIA ARETOA
Izagirreren irudiak eta Berasaluze eta Sastreren doinuak
Noiz: Egunero, 10:00etan eta 18:00etan. Non: Berria.eus helbidean.
Iruzkinak
Ez dago iruzkinik
Ordenatu