Bakarkako doinu intimisten hariari tiraka

Bakarkako hirugarren lana aurkeztuko du gaur Mikel Azpiroz (Donostia, 1971) pianistak: Islak. Iaz plazaratu zuen, Gaua (2013) eta Zuri (2016) lanekin hasitako bide intimistan sakonduz, eta hiruretako aleak interpretatuko ditu Civivoxen, lan berriko piezak nagusi izango diren arren. Inpresionismoa, bluesa, euskal aireak, abangoardia ukituak... nahasten ditu musikariak bere kantetan, baretasunari tokia eginez baina tristezian erori gabe sekula. Perkusioa ere sartu du, gainera, azken diskoan, aurrekoetan ez bezala.

Bakarkako bidean jorratzen duen ildo barearen kontrapuntu gisa,Elkano Browning Cream taldearen rhythm & blues nahiz rock proiektua ere badauka Azpirozez. Konpositore eta ekoizle gisa ere egina du ibilbidea, eta hainbat bakarlari eta talderekin aritu izan da: The Waifs, Duncan Dhu, Travellin´Brothers, Jabier Muguruza, Elena Setien, Anari eta beste hainbatekin.