Etxerat euskal presoen eta iheslarien senideen elkarteak jakinarazi du Rakel Garcia eta Luis Moreno (Sopela, Bizkaia) etxera itzuli direla,26 urte deserrian egon ondoren. Herenegun arratsaldean bueltatu ziren, eta hainbat herrikidek harrera egin zieten.
Garciak eta Morenok 1992an egin zuten ihes, Belgikara. 1993an, Bruselan emandako prentsaurreko batean, biek adierazi zuten «Guardia Zibilari beldur» ziotelako joan zirela erbestera. Espainiako Estatuak haiek estraditatzeko eskatu izan du, ETAren Bizkaia komandoaren laguntzaile izatea leporatuta.
Joan den astean, Orion (Gipuzkoa), Kalera Kalera dinamikak euskal iheslarien eta deportatuak itzultzeko neurriak eskatu zizkion Espainiako Estatuari.
Garcia eta Moreno Sopelan, 26 urteko erbestearen ostean
Iruzkinak
Ez dago iruzkinik
Ordenatu
