Osteguneko osoko bilkuran hartu zuen erabakia Ibarrako Udalak (Gipuzkoa): Uema Udalerri Euskaldunen Mankomunitatearen estatutuak onartu eta mankomunitateko kide izateko eskaera egin zuen. EH Bilduren sei zinegotzien eta EAJren lauren aldeko botoekin hartu zuten erabakia. PSE-EEko zinegotzia bakarrik agertu zen aurka.
2016ko datuen arabera, herritar guztien %74,86 euskaldunak dira Ibarran. «Uemako kide bihurtuta, Ibarrako Udalak euskararen biziberritzean hizkuntza politika sendo eta bateratuekin eragiteko asmoa du, elkarlanean, Tolosaldeko gainerako udalekin eta Uemarekin batera», azaldu du mankomunitateak. Uemak abenduaren 18an eginen du batzar nagusia, Idiazabalen (Gipuzkoa), eta batzar horretan aztertuko dituzte kide izateko eskaera berriak. Uemako 92. udalerria izanen litzateke Ibarra.
Uemako 92. udalerria izateko eskaera eginen du Ibarrako Udalak
Iruzkinak
Ez dago iruzkinik
Ordenatu