GESen hornitzaile gisa baliatuko luke CLk Corrugados

CLk Balboa Gallardo taldea erosi zuen iaz, eta horrela bereganatu zuen Azpeitiko Corrugados, zortzi urte itxita daraman lantegia. 300 langilek galdu zuten enplegua, itxiera traumatiko batean, eta, orain, Cristian Lay berriro fabrika abiaraztea aztertzen ari da, baina hastapeneko azterketa gisa oraingoz. Hala ere, 140 lanposturi buruzko informazioak kaleratu dira. Espainiako taldeak ez du eskarmenturik altzairugintzan, baina hainbat sektoretan aritzeko trebezia erakutsi du. 2017an, Zamudioko GES erosi zuen, hura ere likidazioan, eta, hain zuzen, Corrugadosek hornitzaile lanak egin ditzake GESentzat, azkenean Cristian Layk Azpeitiko fabrika irekitzea erabakitzen badu.