Intsinis pinuak galdutako eremua eukaliptoak bete du azken hamarkadan

Hazi fundazioaren inbentarioaren arabera, pinuak hektareen %14 galdu ditu Araba, Bizkai eta Gipuzkoan. Eukaliptoa %44 ugaritu da
Xingola marroiak jotako pinudi bat, Beizaman (Gipuzkoa).
Xingola marroiak jotako pinudi bat, Beizaman (Gipuzkoa). GORKA RUBIO / FOKU Tamaina handiagoan ikusi

Ibai Maruri Bilbao -

2019ko otsailak 12

Araba, Bizkai eta Gipuzkoako lurrazalaren %54 basoa da: guztira, 490.017 hektarea. Horietatik %30ean intsinis pinua dago landatuta. Hazi fundazioak 2018ko EAEko Basoen Inbentarioan jasotako datuak dira. Espezie horren ustiapenak basogintza sektorearen %85-90 ordezkatzen du. Garrantzi nabarmena du. Horregatik, pinuaren %90 baso pribatuetan dago landatuta. Baina, aurreko inbentarioekin alderatuz, beherakada nabarmena izan du. 2005etik %14 jaitsi dira espezie horren hektareak: 137.500 ziren orduan; 117.600 dira orain. Kontrako muturrean dago eukaliptoa: %44 ugaritu da epe berean. 2005eko inbentarioan, 13.000 hektarea betetzen zituen; 2018an, 18.750 hektarea.

Inbentarioaren arabera, intsinis pinuak galdutako hektareetan batez ere eukaliptoa landatu da. Bereziki, Bizkaian dago Zeelanda Berritik ekarritako espezie hori. 2011ko inbentarioan 14.600 hektarea neurtu zituzten herrialde historiko horretan, eta 17.300 2018an. Dena den, hektarea gutxiago diren arren, proportzioan nabarmenagoa da Arabako igoera: %73. 226 eukalipto hektarea izan ziren 2011n, eta 867 iaz.

Hedadurari dagokionez, pagoa da bigarren espeziea. 54.700 hektarea daude hiru herrialdeetan. Hostozabalen artean garrantzitsuena da: artadi eta hariztiek batera baino eremu zabalagoa betetzen du. Basoen %14an dago landatuta. Araban du indarra: pagadien %60 han daude; %32 Gipuzkoan; %8 Bizkaian. Herenak baso publikoak dira.

Fumigazioaren alde

Basogintza sektoreko ordezkariak Bizkaiko Batzar Nagusietara joan ziren atzo, intsinis pinuak duen xingola marroiaren izurriteaz berba egitera. Airetik fumigatzearen alde agertu ziren. Nahiz eta Bizkai eta Gipuzkoan espezie nagusia izan, ukatu egin zuten monolaborantza dagoela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna