Katalunia

NBEren ebazpenari helduz

Ostiralerako deitu dute Jordi Sanchez (JxC) kartzelatutakoa inbestitzeko saioa. Roger Torrenten ustez, Pablo Llarena epaileak Nazio Batuen Erakundeak eskatutakoa betetzeko «obligazioa» du
Jordi Sanchez ekitaldi batean, iazko irailean Tarragonan.
Jordi Sanchez ekitaldi batean, iazko irailean Tarragonan. JAUME SELLART / EFE Tamaina handiagoan ikusi

Igor Susaeta -

2018ko apirilak 10

Espainiako Auzitegi Gorenak kartzelatik ateratzeko baimena ematen baldin badio, datorren ostiralean egingo dute Jordi Sanchez JxC Junts Per Catalunyako bigarrena Kataluniako Generalitateko presidente aukeratzeko inbestidura saioa. Roger Torrent legebiltzarreko presidenteak 10:00etarako deitu du osoko bilkura. NBE Nazio Batuen Erakundeko Giza Eskubideen Batzordeak Espainiako Estatuari eskatu zion, joan den martxoaren 23an, «beharrezko neurriak» har ditzala presidentegaiaren eskubide politikoak bermatzeko.

Eta, hain zuzen ere, horri heldu diote JxCk eta ERC Esquerra Republicanak, prozesu subiranistaren harira matxinada egotzita behin-behinean espetxeratuta dagoen diputatua berriro presidentegai proposatzeko. Torrentek ohar batean dioenez, NBEk eskatutakoa betetzeko «obligazioa» dauka Espainiako Estatuak. «Auzitegi Gorenak ez badu ebazpena betetzen, Sanchezen eskubide politikoei egindako kaltea konponezina litzateke, eta Espainia ez litzateke ariko betetzen bere nazioarteko obligazioak».

Torrentek Pablo Llarena Goreneko epaileari eskatu dio uzteko Sanchezi inbestidura saiora joaten. Martxoa hasieran ere, JxCko bigarrena, ANC Biltzar Nazional Katalaneko presidente ohia, proposatu zuen presidentetzarako, eta martxoaren 12rako deitu zuen Torrentek osoko bilkura. Gorenak ez zion Soto del Realeko espetxetik —han dago urriaren 16tik— Kataluniako Parlamentuko hemiziklora joateko baimenik eman, eta ganberako presidenteak bertan behera utzi zuen saioa.

JxCkoek eta ERCkoek badakite Llarenak nekez aldatuko duela iritzia. Espetxetik ateratzea ukatzen badio Sanchezi, Kataluniako bi indar subiranista nagusiek uste dute erabakiak agerian utziko lukeela estatuaren jarrera errepresiboa. JxCk beste hautagai batzuk ditu presidentegai izateko, badaezpada ere.

Dena den, Llarenak Sanchezi inbestidurara joaten uzten badio ere, lehen bozketan ia ezinezkoa luke beharrezkoa den gehiengo osoa lortzea —68 boto—, CUP abstenitzekotan baitago. Bigarren bozketa larunbatean litzateke, eta 66 bozka beharko lituzke. Puigdemontek botoa delegatzen jarraitzen badu, 65 lituzkete ERCk eta JxC; oposizioak adina, hortaz. 66 lortzeko, Antoni Comin (ERC) Belgikara erbesteratutakoak diputatu aktari uko egin beharko lioke edo botoa delegatu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Bizkaiko hiriburuan gaitzaren oldarraldi bat dagoenik esateko motiborik ez dagoela adierazi dute, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Udaletara alkateei jakinarazpena bidali du Euskadiko Udalen Elkarteak. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna