andoni egana
HITZ ETZANAK

Esaldiak

2019ko uztailaren 7a
00:00
Entzun
Arthur Schopenhauerrek arrazoia lortzeko 38 moduren berri eman zigun garai hartan ez zebilen oraingo txoro-haizerik. Ez zenuela argudio taxuzkorik aurkitzen?. Ad hominem ekin, arerioaren ezaugarririk nabarmenen eta kritikagarrienei helduta. Orain, gaizki ikusia dago hori, ezpada sare sozialetan. Orain, bestelako irtenbideak probatu behar dira. «Guztiok dauzkagu gure kontraesanak» da egungo esaldi izarra. Eztabaida batean aterabiderik sumatzen ez baduzu, erabili lasai esaldi hori. Zure ahuleziak onartzen ari zara, baina aldi berean arerioari berak ere badituela gogorarazten. Nekez erantzungo dizu norbaitek «nik ez!» borobilik. Ondorioz, ezdizute arrazoirik emango, baina kendu ere ez. Berdinketa duina lortuko duzu.

«Ez da zilegi, tranpa da, egungo begiekin beste garai bateko zerbait interpretatzen hastea, orduko kontestu historikoa aintzat hartu gabe» da beste esaldi bat oso emaitza onak ematen dituena. Zuk badakizula orduko testuinguru historikoaz esaten ari zara. Eta berak ez. Edo makurragoa dena: berak ere badakiela, baina tranpa egiten ari dela propio…

Kontu horiek iltzatu zaizkit gogoan Elkanok buruturiko mundu biraren ospakizunak goia jotzen hasi direnean. Ez zait berriketaldirik egokitu bi esaldiok entzun gabekorik…
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.