HITZ ETZANAK

Erlojupekoa

Andoni Egaña -

2018ko irailak 2
Ahalegindu izan naiz, baina sekula ez naiz ulertzera iritsi ordu aldaketaren aldea zertan zetzan. Energia aurreztea aipatzen zuten arren, ez nion logika guztiz harrapatzen. Saskiko ura-ren tankera hartzen nion: iturrian otarrea bete duzula uste, eta etxerako ttanttaka hustua.

Ordutegi bat eta bakarra izango omen dugu urte osorako, eta badirudi horrek ez duela atzera-bueltarik. Urte osorako ordutegi bakarra. Baina bietan zein, egun udakotzat daukaguna edo negukotzat hartzen duguna? Hor saltsa sortuko da. Argitu/ilundu eta lehenago/nekezago binomioek askotariko argudioak jasan beharko dituzte. Eta ni nago pertsona bakoitzaren bizimoduak ez ezik pertsona bakoitzaren bizi-uneak ere eragin dezakeela aukeraketan. Neuk, esaterako, gauez errazago egiten nuen lan lehen. Orain egun-argi bolada dut…

Esanguratsuena, halere, Europako agintariek gai honen inguruan egin dutena iruditzen zait. Galdeketa ez omen den galdetegi batean oinarritu dute aldaketaren premia. Oso garrantzitsua ez den seinale. Benetako pisua duten gaien inguruan ez dute inoiz kontsultarik egiten. Akaso, kasu honetan ere egiazko galderak honako hau behar luke: «Ixa batez markatu zapal zaitzaten hobesten duzun ordutegia».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna