HITZ ETZANAK

Berdin-berdina

Andoni Egaña -

2018ko irailak 9
Egiptoko piramideak, Veneziako ur-kanalak, Parisko Eiffel dorrea… denetik daukate Las Vegas hirian. Begiratu eta harrituko zaituzte. Hunkitu, nekez. Badakizu, berdin-berdinak izan arren, erreplikak direla, ez direla errepresentatzen dituzten haien kopia baino. Zenbaiti bestelakorik entzun izan diot ,ordea: «Ze berdinak diren!». «Han gaudela ematen du!».

Errepresentatzea berriz izatea da. Zenbat eta berdinago, orduan eta hobe. Eta ez diot nik balio hezitzailerik ukatuko lehengoa ahalik eta zehatzen eta ahalik eta jenderik gehienak ezagutzeari. Ekaingo leizea, San Joan baleontzia edo Elkanoren lehorreratzea ezagutu ahal izateak aberastu egiten gaitu.

Baina ez didazue esango errepresentazioaren munduan bizi ez garenik. Zaletasunak, jakintza nahiak eta grinak eraginda hasten da norbait hari-muttur batetik tiraka, osatzen du milaka lanorduren ondotik bera zera eta… erakundeek oso pozik hartzen dute… errepresentazio bada. Errepresentazioak ez du inolako ideologiatako inongo kultur-agintari molestatzen. Euskal Jai eguna gaur Zarautzen. Umetatik ohitu ginen zolu gaineko edo karrozatako errepresentazioak, «estanpak», ikustera. Zapalduen arnasbide, zapaltzaileentzat ez ziren segur aski nahikoa molestagarri ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna