Albistea entzun

HITZ ETZANAK

Badator

Andoni Egaña -

2020ko irailak 27

Ez aurreratzeko esango nioke jendaurrean ekiten dionari. Maiz gertatzen baita. Irakurri behar duzu testu luze bat ozen eta jendaurrean, eta badakizu pasarte katramilatsu bat datorrela. Ari zarela «badator, badator!» pentsatzen hasten bazara, unean unekoa ere gaizki egingo duzu, eta, gainera, hanka sartzeko aukera handia izango duzu izutzen zintuen pasartea heltzean. Berdintsu gertatuko zaio letra-zati bihurri bat kantatu behar duen abeslariari, jaialdi bukaeran lan zail bat burutu behar duela dakien bertsolariari, antzezleari…

Ez aurreratu. Ez pentsatu datorrenean, unean unekoan baizik. Nik, bertsotan ari naizela, «ertxainak» ahoskatzen badut, izango da handik bi-hiru hitzetara «kotxean» esan behar dudala pentsatzen ari naizelako. Oraindik esan ez dudan tx horrek kutsatu dit esaten ari naizena. Gehitxo aurreratzearen kalteak. Lapsus linguae deitzen zaio, baina garunak du errua eta ez mihiak…

Gurutz Linazasoro medikuari irakurri berri diot artikulu batean: «Herritarren %90ek nahiago dute bere osasun etorkizunari buruzko deus ez jakin, baldin eta informazioak erabaki garrantzitsuak hartzeko balio ez badio, edo terapia prebentibo edo osatzailerik ez bada». Ulertzekoa iruditzen zait. Nik ere ez nuke bizi nahi beti «ertxainak» ahoskatuz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna