Noiz sortua: 2019-11-03 00:30:00

HITZ ETZANAK

Urrian

Andoni Egaña -

2019ko azaroak 3

Informazio eta Turismo ministroa, Fraga Iribarne, joan zen taldeburu sinadura ekitaldira. Taldekideen artean, Rodolfo Martin Vila. 1968ko urriaren 12ko eguerdiko hamabietatik aurrera bihurtu zen independiente Ekuatore Ginea. Espainiaren kolonia izana lehenik, Espainiaren bi probintzia gero, Espainiaren lurralde autonomo aldi batez… bere buruaren jabe zen azkenean.

Isil samarrik pasatu ote zen daukat irudipena. Hamarraldi hartako beste gertakarien aztarna banuen ume garaitik. Aljeria, Kennedy, Israel, Belfast, Paris, Burgos… ez zitzaizkidan arrotz. Ekuatore Ginearen independentzia prozesuaz ez nuen deus gogoan. Bila hasi, eta datu bat iruditu zait esanguratsua: Nazio Batuak, Ekuatore Gineako Gobernu autonomo osatu berria eta mugakide zituen herrialde burujabeak independentziari buruzko galdeketan baiezkoaren aldekoak izan arren, emaitza ez zen pentsa zitekeen bezain borobila izan. % 64 baiezkoan; ezezkoan 36. Baina aski izan zen. Abuztuan bozkatu eta urrian aio! Orain, Madrilgo politikari aurrerakoiren batzuk sumatu ditut kataluniarrek aldegiteko % 80a beharko luketeela esanez…

Ametsen adiskide Ibrahimez gehixeago jakin nahian jo dut atzera. Beste garai bat zen hura; beste Ginea bat… Beste Espainia bat?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna