Albistea entzun

Onenekin lehiatzeko moduan dira

Beste formatu batekin jokatu da aurten mendiko eskiko Espainiako Kopa. Bi asteburutan jokatu dira probak, eta punta-puntan ibili dira beste behin euskal eskiatzaileak. Iñigo Martinez de Albornoz lehena izan da gizonezkoetan, eta Igone Campos bigarren emakumezkoetan.

Unai Ugartemendia -

2020ko urtarrilak 28

Denboraldi honetako mendi eskiko Espainiako Kopak euskal herritarrak izan ditu beste behin protagonista nagusi. Gizonezkoetan, Iñigo Martinez de Albornoz donostiarrak nagusitasunez irabazi du; Igone Campos zumarragarrak, berriz, bigarren postuan amaitu du emakumezkoetan. Bi asteburutan jokatu dira probak, eta hiru modalitatetan lehiatu dira eskiatzaileak. Banakako lasterketa bat izan da, esprinteko beste bat eta bi kronoigoera.

Sierra Nevadako (Espainia) eski estazioan izan zuen estreinako proba 2020ko Espainiako Kopak, abenduaren 14-15eko asteburuan. Bertan, Iñigo Martinez de Albornozek jokoan ziren bi modalitateetako probak irabazi zituen: esprinta eta kronoigoera. Erakustaldia eman zuen. Bertan lortutako aldearekin, Boi Taulleko (Herrialde Katalanak) bigarren eta azken proban jokoan ziren beste bi modalitateetan eustea besterik ez zuen behar izan kopa irabazteko.

Igone Camposek, berriz, berretsi du gorakada etengabean doala mendiko eskian. Iazko denboraldian jada erakutsi zuen, eskarmentua biltzearekin batera, emaitzak iritsiko zirela. Ez du denbora askorik behar izan hori berresteko. Sierra Nevadan erakutsi zuen sasoi onak segida izan zuen Boi Taullen —urtarrilaren 18-19an jokatu zen proba hori— eta azken sailkapenean, Ana Alonso espainiarra izan zuen bakarrik aurretik. Espainiako Kopan lortutako emaitzekin, Martinez de Albornoz eta Campos Espainiako selekzioarekin lehiatu dira asteburuan, Andorran jokatu den Munduko Kopako proban.

Euskal selekzioko hautatzaile Igor Alzelaik oso balorazio ona egin du Martinez Albornozen eta Camposen jardunaz. «Sierra Nevadan maila handia erakutsi zuten Iñigok eta Igonek, eta horrek balio izan die goian amaitzeko. Boi Taullen, Camposek kronoigoera bikaina egin zuen, eta, emaitza horrekin, Espainiako selekzioarekin lehiatzeko aukera izan du. Oso emaitza ona da». Gazteekin ere oso pozik amaitu du. Selekzioan jende berria sartzea lortu du hautatzaileak. Iazko martxoan egindako probetatik, lau eskiatzaile berri izango ditu bere esanetara hurrengo lehiaketetan, eta, etorkizunari begira, «itxaropentsu» dago. Asteburuan, Candanchun (Espainia) jokatuko den Euskal Herriko Kopako lehen proban egingo dute debuta, banakako proban.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Elordi eta Jose Javier Zabaleta, garaipena ospatzen, txapelketan jokatutako aurreko lehia batean. ©O. MATXIN EDESA / FOKU

Bikain biribildu dute

Julen Etxeberria

Elordik eta Zabaletak nagusitasunez irabazi diete Peñari eta Eskirozi, eta finalerdietako ligaxkarako sailkatu dira. Jakak eta Arangurenek bigarren garaipena lortu dute, Peio Etxeberriari eta Rezustari gailenduta

Unai Garcia Osasunako erdiko atzelaria, baloia bereganatu nahian, atzo, Cornella-Praten. ©ALEJANDRO GARCIA / EFE

Osasunak txinparta falta du

Eñaut Agirrebengoa

Osasunak puntu gazi-gozoa lortu du Espanyolen aurka. Partidako lehen gola sartu du, baina itzali egin da gero.

Robin Le Normand, Igor Zubeldia eta Martin Zubimendi, sasoi honetako entrenamendu batean. ©JAVIER ETXEZARRETA / EFE

Moxalen jauzi handia

Jon Ander De la Hoz

Realaren garai onean izarrak soilik ez, harrobiko jokalariak ere ari dira taldea hauspotzen. Zubietan ondutako jokalariak gako bilakatu dira azken boladako emaitza onak lortzeko. Gaur, Valladolid jasoko dute.

Athleticek eta Alavesek galdu egin dute etxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.