Espainiako Barne ministro Juan Ignacio Zoidok esan du Espainiako Polizia Aldana tabernaren kontrako atentatua ikertzen ari dela oraindik, nahiz eta hura 1980an gertatu eta geroztik inolako argibiderik izan ez. Aldana taberna oso ezaguna zen Alonsotegiko (Bizkaia) giro abertzalean; atentatua GAE Talde Armatu Espainiarrek hartu zuten euren gain, eta lau pertsona hil ziren haren ondorioz. Jose Amedo komisarioa arduratu zen ikerketaz.
EAJren diputatu Mikel Legardak galdetuta egin ditu Zoidok adierazpen horiek. Legardak gogoratu duenez, garai hartako informazioetan argitaratu zen egileak Barakaldoko (Bizkaia) polizia etxekoak izan zitezkeela, baina, gaur egun, ikerketaren zantzu guztiak desagertu egin dira Poliziaren artxibategietatik.
Aldana tabernako leherketa ikertzen ari dira, Zoidoren esanetan
Iruzkinak
Ez dago iruzkinik
Ordenatu
