Alfredo Remirez presoa Zaballara gerturatu dute
Alfredo Remirez Darocako espetxetik (Zaragoza, Espainia) Zaballakora (Araba) hurbildu dute. Hala jakinarazi du hura askatzea eskatzeko sortutako plataformak. Ez dute zehaztasun gehiago eman. Sare sozialetan «terrorismoa goratzea» egotzi zioten 2017an, baina fiskaltzarekin akordioa eginez saihestu zuen espetxea.Haatik,Remirezek lehenago egindako beste delitu bat erabili zuten kartzelatzeko: 2009an Amurrioko (Araba) festetan euskal preso bat irudikatzen zuen panpina bat erakusteagatik. 2017ko azaroan espetxeratu zuten, Basauriko kartzelan (Bizkaia), eta joan den otsailean Darocara eraman zuten, etxetik 370 kilometrora.
Iruzkinak
Ez dago iruzkinik
Ordenatu