Tamara Carrasco CDRetako kidea absolbitu dute

Espainiako Fiskaltzak «terrorismoa» eta matxinada egotzi zizkion lehenik Tamara Carrasco CDR Errepublikaren defentsarako batzordeetako kideari, 2018ko apirilean, polizia operazio batean atxilotu ostean. Espainiako Auzitegi Nazionalera eraman zuten, baina, delitu horiengatik akusatzeko oinarri nahikorik ez zegoenez, Bartzelonako epaitegi batera bideratu zuten, desordena publikoak egotzita. Azkenean, akusazio hori ere baztertu egin du epaileak, eta Carrasco kargurik gabe utzi du aske.