Gerra Ukrainan

Milaka zibil gerra frontean harrapatuta daudela salatu dute

2023ko otsailak 3

Borrokak gogortu egin dira ekialdeko frontean, Bakhmut hirian zehazki, Donetsk eskualdean. Polizia iturrien arabera, 5.990 zibil daude oraindik hiri hartan, tartean 200 adingabe inguru —gerra hasi aurretik, 70.000 pertsona bizi ziren han—. Bakhmutek bost hilabete daramatza bonbapean, eta, tarte horretan, azpiegitura ia guztiak suntsitu dituzte. Errusiak hura eskuratuko balu, modua izango luke Ukrainak hornigaiak garraiatzeko erabiltzen duen bide nagusia mozteko, eta Kramatorsk eta Sloviansk hirietara iristeko.

Bestalde, Kievek salatu duenez, Errusiak jaurtitako misil batek etxebizitza eraikin baten aurka jo zuen atzo, eta gutxienez hiru pertsona hil eta beste hogei zauritu ziren leherketan. Bonbardaketak lau eraikini eragin zizkien kalteak, eta ez dute baztertzen hondakin artean biktima gehiago egotea. Kramatorsk hirian izan zen erasoa. Ukrainako presidente Volodimir Zelenskik salatu zuen halako erasoak «eguneroko errealitatea» direla herrialdean, eta gaineratu Errusia «erasoaldi handi bat» prestatzen ari dela gerraren urteurrenerako, otsailaren 24rako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut