Noiz sortua: 2019-04-19 00:30:00

HILBERRIA. Txomin Solabarrieta

Eliza barrutik hizkuntzalari

EUSKALTZAINDIA Tamaina handiagoan ikusi

Itziar Ugarte Irizar -

2019ko apirilak 19

«Giza testigantza egokia eman du Txominek, fedea eta euskara uztartuz. Euskara bizia jasotzeko gogoa zeukan, hiztegigintzaren bidez egin zuena». Hitz horiekin gogoratu du Andres Urrutia Euskaltzaindiko lehendakariak Txomin Solabarrieta Etxaburu ohorezko euskaltzaina haren heriotzaren albistea jaso berritan. 1927an jaio zen Solabarrieta, Ondarroan (Bizkaia). Apaiz ikasketak egin, eta euskara sustatzen aritu zen Bizkaiko parrokietan. Elizbarrutiko itzultzaile ofizial ere izan zen.

Bostak Bat lantaldearen sorreran ere hartu zuen parte, 1981ean. Euskaldunek euskaraz jarduteko hiztegi mailan zeuzkaten hutsuneak atzeman, eta Adorez hiztegi sorta abiatu zuten. Hark egin zituen lanen artean dira Sinonimoen hiztegia (Elkarlanean, 1984), Adorez hiztegiak: euskara-gaztelania = castellano-vasco (Elkarlanean, 2009) eta Eskola hiztegia: oinarrizko hiztegia (Elkarlanean, 2013).

Iazko apirilean izendatu zuten ohorezko euskaltzain. Aurretik, Bilboko Liburu Azokak ere egin zion aitorpena 2011n, Urrezko Luma emanda. Hala esan zuen Luis Baraiazarrak orduan, Bostak Bat taldean kide izan zuenak: «Ez dugu ahaztu behar Solabarrieta abadea dela; eliza barruan nahiz kanpoan egin du ebanjelizatze lana. Herrian eta herriko kulturan sartu-sartua egon da beti, guztiei on egiten laguntzen eta guztiak zerbitzatzen».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Auto bat errepidean, Larragan (Nafarroa). ©Jesus Diges / EFE

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoak ez izatea berdinak», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen hazi da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna