Albistea entzun

Hirugarrenez ere, loria

Arnaud Demarek hirugarrenez irabazi du aurtengo Giroan, esprintean berriz. Romain Bardet (DSM) ez da atera, gaixorik zegoelako
Arnaud Demare atzo, Cuneoko podiumean, Giroan aurten hirugarren etapa irabazi zuela adierazten.
Arnaud Demare atzo, Cuneoko podiumean, Giroan aurten hirugarren etapa irabazi zuela adierazten. MAURIZIO BRAMBATTI / EFE Tamaina handiagoan ikusi

Aitor Manterola Garate -

2022ko maiatzak 21

Loriak bakarra izaten du bere lurraldean. Edo bakarra azaltzen da haren esparruan. Irabazlea beti da seguru. Italiako Giroko hamahirugarren etapan, Arnaud Demare (FDJ) egin zen atzo ohore horren jabe, hirugarrenez aurten, eta zortzigarrenez denera —2020an irabazi zituen horietako lau—. Esprintean azkarrena izan zelako. Hark zeharkatu zuen beste inork baino azkarrago Cuneoko helmuga marra, 150 kilometro osatu ondoren. Loriak bazuen eguneroko maitalea, baina horrek ez du esan nahi beste ziklista loriatsu batzuk ere izan ez zirenik eguneko jardunean.

Izan baitziren. Lau hauek: Nicolas Prodhomme (AG2R), Pascal Eenkhoorn (Jumbo), Julius Van den Berg (Education First) eta Mirco Maestri (Kometa). San Remotik abiatu eta berehala erakutsi zieten bizkarra atzekoei, Filippo Tagliani (Drone Hopper) ere han zela. Gero, baina, ia azkenera arte, laukotea aritu zen ihesean. Ematen zuen, ematen zuen... Iritsi behar zuten helmugara. Baina tropelak jan zituen 700 metro falta zirela. Aurretik, Van den Berg saiatu zen loriaren maitale bakan izaten, azkeneko kilometroaren barruan, baina ez zioten utzi beste hirurek. Segituan utzi zituen atzean tropelak, Maestri izan ezik. Azken saialdia. Zergatik ez. Baina ez. Esprinterrek podiumeko koska gorenean egon nahi zuten, eta ziztu batean jo zuten helmugarantz. Iheslariek ez zuten irabazi. Baina loriatsuak izan ziren haiek ere.

Sailkapen nagusiari dagokionez, Romain Bardetek (DSM) etapa utzi zuen, gaixorik zegoelako. Laugarrena zen sailkapenean. Orain, postu bat gora egin dute Mikel Landak eta Pello Bilbaok (Bahrain): seigarren eta bederatzigarren dira. Juanpe Lopezek (Trek) eusten dio lehen postuari.

Gaur, hamalaugarren etapa izango da. 147 kilometro Santena eta Torinoren artean. Menditsua: helmugatik zortzi kilometrora igoko dute Maddalena gaina (2. mailakoa). Aurretik maila bereko beste hiru mendate igoko dituzte, eta 3. mailako bat.

Burgosen, Matilde Vitillo

Burgosko Itzuliko bigarren etapan, MatildeVitillok (BePink) irabazi zuen, esprintean, Aguilar de Campoon. Jennifer Ducuara (Colombia) da lider orain, eta Lotte Kopecky (SD Worx) bigarren, sei segundora. Ane Santesteban (BikeExchange) 27.a da, bigarrenaren denbora berean. Gaur, hirugarren etapa dute, 112 kilometrokoa. Ojo Guareña gainean bukatuko da (3. maila).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©FOKU

Ez urdin eta ez berde: horia

Aitor Manterola Garate

Oriok irabazi du Euskolabel ligako aurreneko estropada Bilbon, erlojuaren aurka. Donostiarra izan da bigarren hiru segundora, bigarren ziabogan kateatu eta gero. Hondarribia hirugarren, eta Urdaibai bosgarren.

 ©FOKU

Arraun Lagunak, aurreneko irabazlea

Aitor Manterola Garate

Euskotren ligako lehendabiziko estropada irabazi du Bilbon. Erlojuaren aurka nagusitu zaie Oriori, Donostiarrari eta Tolosaldeari.

Fabio Jakobsen helmugan garaipena ospatzen. ©Tim K. Jensen / EFE

Jakobsenek ez du hutsik egin

Beñat Mujika Telleria

Quick-Stepeko txirrindulariak irabazi du Frantziako Tourreko bigarren etapa, esprintean. Pogacar erori egin da, baina ez du denborarik galdu. Van Aert da lider berria

 

Urdaibai iaz, Bermeoko estropadan, ziaboga batean. ©AITOR ARRIZABALAGA / EUSKO LABEL LIGA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola Garate

Informazio osagarria

Iruzkinak kargatzen...