Albistea entzun

«Gaurkotasun harrigarriko» lanak

Txillardegiren testuen hautaketaz arduratu da Alaitz Aizpuru ikerlaria. Hura bezalako «intelektual propioen» beharra azpimarratu du

Amagoia Gurrutxaga Uranga -

2019ko otsailak 7

Alaitz Aizpuru Joaristik (Azpeitia, Gipuzkoa, 1983) Dabilen Pentsamendua bildumako lehen hiru aleetarako testu hautaketa egin du, eta hurrengo hiruretarakoa ere egingo du. Sei, guztira, Txillardegiren idatziekin. Haren ekarpenaz galdetuta, «Txillardegi gabe gaurko Euskal Herria, alderdi askotatik begiratuta, beste bat» litzatekeela esan daitekeela dio. Euskararen egoera, esaterako, «ziurrenik askoz ere prekarioagoa» litzateke, eta, euskararekin lotuta, euskal kulturaren aldaera desberdin askoren egoera ere ez litzateke bera. Eta Txillardegi gabe, euskal pentsamenduak izan duen bilakera «beste bat» litzateke. «Garaiko autore askok aipatu izan duen bezala, Txillardegi bide erakusle, gai andana batean aitzindari eta garaiko Euskal Herrian egile, eragile eta aktore oso garrantzitsua izan zen».

Gaur egundik begiratuta, baina, zein neurritan ote da gaurko eta beharrezko haren ekarpena? «Txillardegiren idatzietara gerturatuko denak —garaian garaiko beharrei erantzuten dieten eta garaira lotuago dauden zenbait idazlanez gain—, guztizko gaurkotasuna gordetzen duten eta oraindik orain eztabaidagai eta askatu gabeko korapilotzat ditugun hamaika gairekin egingo du topo», erantzun du Aizpuruk. Txillardegiren lanek «gaurkotasun harrigarria» gordetzen dute, erantsi duenez, haren hausnarketa eta ideia oraindik baliogarri askorekin. «Txillardegiren idatziek, maila horretan, batetik, etsipen puntu bat sortzen dute, oraindik ere korapilo berberetan gaudela konturatzen delako bat». Baina, bestetik, pentsalari hark zer-nolako «argitasun intelektuala» zuen ikusten da; baita ere zenbateraino behar diren «intelektual propioak». Tresna intelektual, «kontzeptu argigarri eta eztabaiden nahas-mahasean argi pixka bat» eta ideien ordenamendu beharrezko bat ekartzeko. «Txillardegi, horretan, ezinbesteko izena izan zen, euskaraz eta Euskal Herritik Euskal Herriarentzako sortutako pentsamendua den heinean».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Fenandino eta Mikel Losada aktoreak, 'Bake lehorra antzezlaneko eszena batean ©Monika del Valle/Foku

Karlistaldian kokatutako gerrei buruzko antzezlana sortu du Patxo Telleriak

Iñigo Astiz

Zehazki, 1872ko karlisten eta liberalen arteko Zornotzako bake ituna hartu du abiapuntu antzerkigileak, baina kasu zehatzetik harago, bakeari eta gerrari buruz gogoeta egiten duen obra bat sortu du: 'Bake lehorra'. Astelehenean estreinatuko dute euskaraz

Saria jaso duten musikariak, gaur, BECeko ekitaldian. ©Marisol Ramirez / Foku

Hamar artista eta talderen lana aitortu dute Musika Bulegoaren VI. Sarietan

Ainhoa Sarasola

Olatz Salvador, Chill Mafia, Gaur, Ether Ensemble, Maite Larburu, Ramon Lazkano, Verde Prato, Amak, Trio Zukan eta Motxila 21 taldeak saritu dituzte aurten, Barakaldoko BECen eginiko galan.

Led Silhouette dantza konpainiako Martxel Rodriguez eta Jon Lopez kideak. ©IÑIGO URIZ / FOKU

Erriberriko antzerki jaialdiak inklusibotasuna izanen du ardatz

Yasmine Khris

Uztailaren 15etik 31ra egingo dute antzerki klasikoaren jaialdia. Espazio «paritario eta feminista» baten alde egin dute apustua aurten

Ezker-eskuin, Arantxa Arzamendi, Mari Jose Telleria, Pello Leiñena, Aizpea Otaegi eta Andoni Iturbe. ©ERESBIL FUNDAZIOA

Musikastek «euskal musikaren hiriburua» batuko du 50. urtez

Miren Mujika Telleria

Bihar hasiko da Musikaste, Errenterian, maiatzaren 28ra bitarte. «Urrezko ezteiak» ospatuko dituzte aurten; izan ere, 50 urte bete ditu jaialdiak. Hamar emanaldi egingo dituzte, askotariko doinuekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.