Albistea entzun

KRITIKA. Antzerkia

Egia vs errealitatea

Arantzazu Fernandez Iglesias -

2021eko apirilak 28

'Hoy puede ser mi gran noche'

Zuzendaritza eta dramaturgia: Andrea Jimenez, Noemi Rodriguez. Antzezleak: Noemi Rodriguez, Darlene Rodriguez. Lekua: Errenteriako Niessen Kulturgunea. Data: Apirilak 25.

En Vilo konpainia galiziarrak 1990eko hamarkadako urteetara jotzen du euskarri txikiko antzezlan honetan, bakarrizketako protagonistaren haurtzaroko ametsak eta frustrazioak errepasatu ahal izateko. Agertokian, atzeko zilarrezko koloreko gortinak garai hartako pop giro kitsch-a ekarri digu akordura, eta erdi aldean zintzilikaturiko pantailak aldi horretako telebistako programen zein familiaren benetako irudiak eskaini dizkigu. Oholtzan, Noemi Rodriguez aktoreak antzezlanaren pisu guztia eramaten du, izkina bateko teklatu baten atzean dagoen ahizparen laguntzaz. Lehenbizikoak, bere haurtzaroaz gogoratzeaz batera, aro horretako pertsonaia guztiak antzeztu dizkigu, ahotsak aldatuz, gorputzak energiaz gaindi egiten diola, etengabeko hitz jario erabilita, bere istorio propioa kontatzen duen bitartean. Bigarrenak, berriz, musikaz hornitu du kontakizuna.

En Vilo taldeko bi ahizpek Galizian hain ohikoak diren berbenetako orkestra bateko musikaria zuten aita; gauzak horrela, Noemik aitortzen digu, haren ezpala izaki, hark gauzatu ez zuen ametsa betetzeko desioa jarauntsi duela; alegia,musikari esker famatua izate nahi hori. Era horretan, Bertin Osbornek aurkezten zuen talent show-ean izena eman, Madrileraino bidaiatu, eta Freddy Mercury imitatu zueneko porrota antzeztu digu Azucar Morenoren miresle sutsua zen haurrak. Autofikzioak elikatutako teatroan dagoela sentiarazi diote publikoari, eta publikoak konfiantza hori eskertu du, kontakizun horrekin pozik.

Ikuskizunak hasieratik festa baten itxura du. Hasi bezain pronto, publikoa badabil Sergio Dalmaren kanta ezagun bat abesten karaoke eran. Super Pop aldizkariaren unibertsoan gaudela ematen du, oroimenak zein kanta zatiek ez baitute bestelakorik adierazten. Eurovision txapelketaren oihartzunak etorri zaizkigu gogora egongelako telebistak transmititzen dituen Sabado Noche emanaldiaren usainarekin batera. Madonna, Michael Jackson, Lola Flores, Chabeli eta Ayrton Senna dira aletzen diren itzal handiko izenetako batzuk, besteak beste. Etxeko intimitatean gaudela ematen du.

Baina En Vilo taldearen ibilbidea ezagututa, telebistako kulturaren dibertimenduaz haratagoko beste zerbait espero genuen eta ez digute huts egin. Protagonistak, dagozkion rolak antzezteaz gain, haiengandik atera eta, publikoari zuzenduta, teatroari buruzko iruzkinak egiten ditu. Gainera, muturreko bi egoeratatik paseatzen da pertsonaia: pozik eta alai, euforia ikaragarria sentitzetik, porrotaren muinean egotera, haserre eta etsita. Mugimendu bikoitz horretan, publikoa eraman dute emozionalki alde batetik bestera, jolas batean antzera. Bizitza goitibehera bat bezalakoa dela adierazi digute, aipatu Mercury eta Senna adibide hartuta, esaterako. Ikuskizunak aurrera egin ahala, edukiz aberastu da, eta oso zaila dena lortu dute konpainiakoek: itxura arin eta friboloa izatetik Braudillarden simulakroaren ideiarekin lerratzen direla adieraztera igarotzea, ikuslea errealitateari eta egiari buruz interpelatuz: zuek zer uste duzue? Ilusio-gezur honetan, zer dugu egiatiagoa antzerkia baino?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / @FOKU

Rockaren suak piztuta dirau

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.
Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute
Alexei Volodin pianista, artxiboko irudi batean. ©EUSKADIKO ORKESTRA
Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...