Albistea entzun

EKOGRAFIAK

Historia

Amaia Garcia -

2022ko martxoak 8

Beti esan dut gaur egungo egoera ulertzeko beharrezkoa dela historiara atzera begiratzea. Historiako klaseak asko gustatu zaizkit hezkuntzako etapa guztietan. Eskola horien inguruan hausnarketa eginez, emakumeen falta handia sumatu nuen feminismoa nire barnean piztu zenean. Emakume gutxi agertzen dira historiako liburuetan; erregina batzuk eta Margaret Thatcher gogora etorri zaizkit orain. Bestela, historiako liburuetan gizonak dira protagonistak.

Liburu horiekin, gerren inguruan ikasi nuen batez ere. Horietan, guduen emaitzen eta lortutako asmakuntzen inguruan hitz egiten zuten, baina gutxitan irakurri izan dut gerra horiek jasan zituzten pertsonen bizipenak. Azken egunotako albisteetan, Ukrainako gerra ikusten ari gara. Gizonek gudu zelaian geratzeko deia jaso dute, eta bitartean emakumeek beren herritik ihes egin dute. Ez doaz bakarrik, umeen zaintza haien ardura da. Herriaren etorkizuna herritik kanpo zainduko dute. Ukrainako emakume asko oraindik gerraren menpe geratu dira eta haien etorkizuna airean dago. Asko heriotzaren beldur izango dira, baina sexu erasoen biktima ere izan daitezke.

Gerra aldarrikapenak gizonek egin dituzte. Gaur egun, Ukrainan, Sirian edota Yemenen bizi diren gerra egoerak gizonek sortu dituzte. Putinekin hitz egiten saiatu diren guztiak ere, gizonezkoak izan dira. Horrekin ez dut esan nahi emakume guztiak gerren aurka gaudela, baina gerra patriarkatuaren parte dela esan daiteke arazorik gabe.

Gaur Martxoaren 8a dugu eta emakumeen historia ezagutzeko telesail berezi bat gomendatu nahi dizuet: Culottées (Filmin). Animaziozko telesail bat da; hartan, 30 emakumeren istorioak ezagutzeko aukera izango dugu. Besteak beste, Leymah Gbowee bakearen aldeko aktibistaren bizitza ezagutuko dugu. Harekin batera, emakumeen eskubideen alde lan egin duten emakumeen bizipenak ikusiko ditugu, 3-4 minutuko kapituluetan. Lanak emakumeok historian eduki dugun presentzia murritza argi erakusten du. Historiako pasarte garrantzitsuenetan zaintza lanetan egon gara eta bestelako aurkikuntzei edo lanei garrantzia kendu zaie. Historiarekin kritiko izan gaitezke, modu horretan orainaldia hobeto ulertzeaz gain, etorkizun hobea sortzeko aukera izan dezakegulako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...