'In The End'

Dolores O'Riordanen heriotzaren urteurrenean eman zuten The Cramberries taldeko kideek azken disko bat argitaratzearen asmoa, 2017an lan berri bat grabatzen hasi eta abeslariarekin demo batzuk grabaturik baitzituzten jada. Horregatik, ibilbideari behin betiko amaiera eman eta Dolores omentzeko asmotan, In The End diskoa argitaratu berri dute joan den hilabetean, onena, taldekideen esanetan. Eta itzela atera zaie emaitza, prozesua gazi-gozoa izan bada ere, azken urteotako lanak aise gainditzen dituen diskoa baita, azken puntua jartzeko lan ezin hobea. Aitortu beharra daukat nik ere sentsazio gazi-gozoa bizi izan dudala, baina pozten naiz agur lanaz eta honen ederraz, begiak itxi eta entzutean 90eko hamarkadara baikaramatza.