Ducks Ltd.
'Modern Fiction'
Diskoetxeak: Carpark Records - Royal Mountain Records.
Toronto hiriko bikotearen estreinako lan luzea da Fizkio moderno hau; aurretik, zazpi kantuko EP bat argitaratu zuen, hori ere 2021ean. Gitarra bihurri eta kiriotsuen laguntzaz, jangle-pop generoko monumentua idatzi dute bi musikariek, beren herrikide Kiwi Jr. eta Australiako Rolling Blackouts Coastal Fever taldeen parean kokatzeko. Zeelanda Berriko izen klasikoen arrastoak nabarmenak dira hamar doinuotan, tartean, The Bats eta The Chills-enak; halere, eragin horiek gaurkotasunez janzten dakitela erakutsi dute kanadarrek; esaterako, hitzei dagokienez, egungo gizartearen inguruko kritikak biltzen baitira. Nire aurtengo pop disko kutuna da, Quivers australiarren Golden Doubt grabazioarekin batera.
Iruzkinak
Ez dago iruzkinik
Ordenatu