Musika. Eleni Mandell
'Wake Up Again'
Diskoetxea: Yep Rock Records.
Los Angeles inguruko emakumeen bi kartzelatan kantagintza irakasten jasotako eskarmentuarekin ondu du Eleni Mandell kantugile estatubatuarrak hamabigarren lan luzea: Wake Up Again. Kantu ederrez jositako diskoa da, folk-pop argia du ardatz, eta melodia kantagarriz beteta dago. Ahots harmoniak, jakina, ez dira falta hain ongi egindako disko batean. Zaratarik ez da, inondik inora, nahiz eta batzuetan bateriak erritmo ertainetara eraman kantuak. Bestela, akustikotasuna da nagusi, esan bezala, kantu sorta aipagarria gertatzen den honetan.
Iruzkinak
Ez dago iruzkinik
Ordenatu