Musika. Piers Faccini
'Shapes Of The Fall'
Diskoetxea: No Format.
Bere belaunaldiko kantautorerik interesgarrienetako bat izateaz gain, Piers Faccinik oin bat folk anglosaxoian duen moduan du bestea musika etnikoetan. Horrek are erakargarriagoa bilakatzen du, gai baita Prince Bonnie Billyren bertsio gogoangarria egiteko, eta ondoren Ballake Sissoko kora-jotzailearekin elkarlanean diskoa erditzeko. Bi mundu horiek oso modu orekatuan agertzen zaizkigu kantari ingelesaren hamargarren disko honetan. Melodia ederrak, ahots gozoak, gitarrak, korak eta n'goniak, hala eta guztiz ere indie-folk ukiturik galtzen ez duen kantu bildumarentzat. Kantariak ohituta gauzkan kalitateari eusten dio, ez da zalantzarik.
Iruzkinak
Ez dago iruzkinik
Ordenatu