Musika. The Chemical Brothers
'No Geography'
Diskoetxea: Virgin EMI Records.
Nork esango zion Chemical Brothers bikoteari, 1995ean euren lehen lana argitaratu zutenean, ia 25 urte geroago mundu mailako erreferente izango zirenik big beat estiloan! Elektronika mundua rockera, jazzera eta, batez ere, punkera gerturatzen aitzindariak izan ziren, eta horretan jarraitzen dute No Geography izeneko estudioko bederatzigarren lan luzean. Agian, ez da aurreko diskoek bezainbeste hit dituen lana, baina oso-osorik entzuteko aspaldiko txukunena dela iruditzen zait, irrati kateetan sona izango duten kantuen eta taldearen jarraitzaile sutsuek bakarrik jakingo dituztenen arteko oreka zaindua baitu. Ez dute ezer berririk egin, baina argi utzi digute egiten dutena gustuz egiten dutela.
Iruzkinak
Ez dago iruzkinik
Ordenatu