Musika. Ensiferum
'Thalassic'
Diskoetxea: Metal Blade.
Arnasa hartu eta itsasoarekin loturiko istorioetan barneratu zaitez. Finlandiako Ensiferum taldeak urteko metal diskoetako bat plazaratu du. 25 urteko ibilbidea beteta, Thalassic lan zoragarria euren diskografiako onenetakoa dela esan daiteke. Proposamena biziberritu dute melodien lanketa paregabearekin. Pekka Montin abeslari eta teklatu jotzaile berriarekin freskotasuna berreskuratu dute. Hiru ahotsetara kontatzen dituzte abentura epiko eta ahaztezinak, death metal melodikoa, folka, heavya eta viking metala nahastuta. Rum, Women, Victory, Andromeda eta For Sirens dira horren eredu. Dena dela, One with the Sea balada da altxor preziatuena. Diskoaren gehigarritako bat suomieraz da, eta ederra izango litzateke jatorrizko hizkuntzan abestea erabakiko balute.
Iruzkinak
Ez dago iruzkinik
Ordenatu