'Nervous Man' / 'All I understand'

Single partekatu hau Pretty Olivia Records diskoetxeak bere zale sutsuenentzakoprestatutako oparia da —bai, oraindik bada bezeroak mimoz zaintzen dituen zigilurik—; izan ere, marka horretako bi disko edo gehiago erosiz gero, harribitxi popzale hau bidaltzen dizute doan. Edukiari dagokionez, grabazio honetarako propio abiatutako egitasmoak dira: The Boys With The Perpetual Nervousness, Dropkick talde eskoziarra da Palacio de Linares taldeko kideekin, eta The Tree House Melodies, berriz, Dropkick taldea, berriro ere, baina The Wellgreen eta Star Trip bandetako musikarien laguntzaz. Emaitza gitarra txinpartatsuekin idatzitako kantutzar melodikoak dira, lehenengo kantua gailentzen den arren. Diseinua ere aparta da.