Musika. Rolling Blackouts Coastal Fever
'Sideways to New Italy'
Diskoetxea: Sub Pop.
Melbourneko taldearen diskoak dira azken urteotan zirrararik handiena eragin didatenak; batez ere, Hope Downs (2018) eta The French Press (2017). Sekulako lana egiten dute hiru gitarra angeluarren arteko zirimolak melodiaren alde jartzeko, betiere doinu biribiletan txertatzeko helburuarekin. Sideways to New Italy da boskotearen iraupen luzeko bigarren grabazioa, eta, aurreko argitalpenen ezaugarri bertsuak bildu izanagatik ere, esango nuke bandak zorroztasuna eta zehaztasuna galdu dituela, heterogeneotasun lasaigarri baten mesedetan. Hala, aurreko lanetako kirioaren traza gutxi antzematen dira grabazio berrian, tarteka azaltzen diren arren. Haatik, zale amorratuek gozatuko dute, eta, seguruenik, diskora gerturatuko diren entzule berriek ere bai.
Iruzkinak
Ez dago iruzkinik
Ordenatu